ဝမ်းရေးအတွက်ဆိုသော ညဉ့်ငှက်များနဲ့
တဖျတ်ဖျတ် လှုပ်ရှားနေသောမီးပွိုင့်များ
အရာအားလုံးက တန်ခိုးရှင်တယောက်ရဲ့အပြုံးလို။
ဖန်တီးထားသော အလင်းတုများမှကင်းမဲ့လျှင်
သူသည် အေးချမ်းသောသဘော
တည်ငြိမ်ရင့်ကျင့်စွာ နှုတ်ဆိတ်နေတတ်သောမိန်းမပျို။
ပိတုန်းရောင် ဆံကေသာကဲ့သို့
ရင့်ကျက်နေသော သူက
အလင်းမဲ့စွာ နားလည်မှုဖြင့်လက်မှတ်ရေးထိုးထားသော
အိမ်မက်တို့၏ ဖန်ဆင်းရှင်။
အကုသိုလ်သားကောင်များ၏ ညစ်ညမ်းမှုများနဲ့
ဖြတ်ရိုက်ခံထား၇သော သူက
ညဉ့်ဦးယံထက်တွင် သွေးတစ်စက်စက်ထွက်လျက်။
အရောင်စုံများဖြင့် ဆေးဆိုးခံထားရသော်လည်း
ပေကြောင်ကြောင် ကတ္တရာလမ်းများနှင့်
ဝါကျင့်ကျင့် မီးတိုင်များ၏လက်မှာ
ဖြူစင်ခြင်းတွေ ဆက်လက်ဖြူစင်ခဲ့။
တချို့တွေက သူ့ရင်ခွင်မှာလမ်းပျောက်
တချို့တွေက သူ့ရင်ခွင်မှာဆက်လျှောက်
တချို့တွေက မျှော်လင့်ချက်အိမ်မက်တွေနဲ့လဲလျောင်း။
သူ့ရင်ခွင်မှာ
အိမ်မက်ဖောက်သူတွေ........။
အိမ်မက်ပျောက်သူတွေ........။
အနာဂတ်မီးပွိုင့်ကတော့ အိမ်မက်ရပ်ကွက်မှာ
စိမ်းလိုက်.........
ဝါလိုက်............
နီလိုက်............
သူ့တာဝန်တွေ သူ့ဘာသာပုံမှန်ကျေပွန်ခဲ့လို့
ဒီည.....ကျုပ်တို့ဘယ်လိုနေကြမလဲ???။
No comments :
Post a Comment