အလွမ်းတွေ
ငွေ့ရည်ဖွဲ့တဲ့ "တိမ်"
သတိရခြင်းတွေ ပေါက်ဖွားဖို့
ဆင့်ကဲဖြစ်စဉ် လိုအပ်မှု။
"မိုးလေဝသ ကြော်ငြာချက်!"
ယနေ့
ကျုပ်နေတဲ့ အခန်း
အလွမ်းမိုး "ရွာ"မယ်။
အချစ်တွေလား?
ရင်ထဲမှာပဲ ထား။
ကဗျာထဲမှာပဲ ထား။
နေ့စဉ် နွှေးထားတဲ့အချစ်တောင်
နေတခြမ်းလတခြမ်း "ဂွမ်း"တယ်။
ဝေးကွာခြင်း ကြိုးရေ
ညှိဖို့ပြင်တိုင်း "တင်း"သွားပါစေတော့။
ရင်လှိုင်းခတ်သံ ဗလောင်ဆူလို့
ဘယ်သူတွေ
ကျုပ်နဲ့ "တူ"မလဲ?။
မင်းလိုအပ်ရင် ပြန်ယူပါ။
ဒဏ်ရာဆိုတဲ့ အမာရွတ်က
ကျုပ်ညာလက်မှာ
"စွပ်" မိလျှက်သား"ကျန်"မယ်။
အမုန်းတွေ လာနေပြီလား?
ကျုပ်ရင်ခွင်တခုလုံး "လင်း"ဖို့
ချစ်ခြင်းတွေ ထွန်းညိုပေးခဲ့။
ပြက္ခဒိန်တရွက်ကို ဆွဲဆုတ်ခဲ့
မနေ့က ဘာမှမဟုတ်
ဒီနေ့လည်း ဘာမှမဟုတ်
ကျုပ်ကိုယ်ကျုပ် "ဆွဲခွာ"ကြည့်တော့
ရင်ထဲမှာ
"အချစ်"ပဲ ကျန်တယ်။
ဖတ်မိသူများ လက်ဆင့်ကမ်းပေးပါ
ဒါ.......
ကျုပ်ရင်ထဲက သူမအတွက်
"ကဗျာ"။
No comments :
Post a Comment