ဟောဒီမှာနှင်းတွေတဖွဲဖွဲကျနေတဲ့
ဆောင်းဥတုစစ်စစ်
နှင်းတွေ ဗွက်ထနေတဲ့
လမ်းစစ်စစ်
လိုအပ်ချက်တွေ ပန္နက်ထားတဲ့
ကမ္ဘာမြေစစ်စစ်
တိုးတက်မှုအရေခွံနဲ့
ရုန်းကန်နေရတဲ့မျက်နှာစစ်စစ်
လေသလပ်ခံထားရတဲ့
ဘဝစစ်စစ်တွေရှိရဲ့။
ကြီးကြီးမားမား မပျိုးနိုင်သေးလို့
အိုးသေးသေးနဲ့ ပန်းစစ်စစ်အတွက်
အောက်ဆီဂျင်တွေ အငမ်းမရလိုက်ရှုနေရတဲ့
လူသားစစ်စစ်လေ
ယုတ္တိဗေဒဆိုတဲ့ စင်္ကြလမ်းမှာ
စိတ်ကူးတွေကသောကမျောနဲ့
လျှောခနဲ လဲကျတော့တာပဲ။
အတူတွဲထားတဲ့ခြေထောက်တွေက
ဘယ်နဲ့ညာ သစ္စာဖောက်ကြတဲ့အတူတူ
မထူးတော့ပါဘူးဆိုပြီး
သတိရခြင်းတွေ သုညအောက်ကိုဆွဲချလိုက်တယ်
မထူးတော့ပါဘူးဆိုပြီး
တံခါးရွက်ကနေ နှင်းစက်တွေရင်ထဲဆွဲထည့်လိုက်တယ်
ချစ်တဲ့စိတ်တွေလောင်းထည့်ရုံနဲ့
အညွှန့်တက် မလာမယ့်အတူတူ
လူမှုဆက်သွယ်ရေးကွန်ယက်ထဲက
အာဟာရဆိုတဲ့ ခေါင်းစဉ်တွေအောက်မှာ
အဆိပ်တွေ တချိန်လုံးထိုင်သောက်ဖြစ်သွားတယ်
