မီးတောက်မဖြစ်လာဖို့ဆိုပြီး
မီးခိုးပဲထွက်ပြလိုက်ရတဲ့
ငါ့ရဲ့ဘဝင်မကျမှုတွေပေ့ါ။
ပြောပါတော့ကွယ်
ရင်ခွင်နန်းတော်တခုလုံး
မင်းတက်သိမ်းတုန်းက
အပြုံးတချက်တောင် မပစ်ဖောက်ခဲ့ရပါဘူး။
ရူးသွားစမ်းပါစေကွယ်
မင်းကျေနပ်ဖို့တဲ့
ဝက်တစ်ကောင်က
အစာတွေ နင် ပြရတယ်။
ငါ့ဘဝမှာစိမ်းလန်းဖို့
တချို့ပေါင်းမြက်တွေကို
ထူထပ်ခိုင်းထားဆဲပါ။
တတ်နိုင်သမျှ ရင်ကြားပြန်စေ့ဖို့
ပုပ်သိုးတော့မယ့်အချစ်တွေ အသင့်ပြင်ထား။
အစားထိုးခံလိုက်ရတာလား?
"ဂွတ်"ခနဲ ကျကွဲတဲ့အသံ
လှည့်မကြည့်တော့ဘူး
ငါ့နှလုံးသားမှန်းသိနေပြီ။
No comments :
Post a Comment