မမေ့ဘူးလို့ ပြောခဲ့ရင်း
အဲဒီနေ့ကို မေ့သွားတယ်
ကို့ဘဝနဲ့ကို သတ်ပုတ်ရတိုင်း
လက်ထဲက ငွေကြေးထက်
ဘယ်အရာတွေက ပိုလေးလံနိုင်သလဲတဲ့?
ဒဏ်ရာပြယုဂ်တွေ
စင်တစင်စာရှိတယ်ပြောသူ
ငါ့သမိုင်းရဲ့ပြတိုက်ဝင် လူရုပ်မလေးရေ
အဲဒီနေ့က
ရွှေဖြစ်ငွေဖြစ်မဟုတ်ပေမဲ့
သံယောဇဉ်ဖြစ် အလွမ်းဖြစ်ရုံ
နှလုံးသားတွေ ဖိုစာကျွေးခဲ့ကြတာပေါ့
ပေါ့ပေါ့ ပါးပါးလို့ ရေရွတ်ပစ်ခဲ့ကြသေးရဲ့
မျက်နှာတွေကို ဆိတ်သားရေနဲ့ဖုံးရင်း
ခံစားချက်တွေ ကိုယ်လေးလက်ဝန်ပါပဲလား။
(ဦးသီ)
No comments :
Post a Comment