ချစ်သူဆီသို့ ပေးစာ

ညကိုသာ ခြစားသွားတယ်
အတွေးက မကုန်ပြန်ခဲ့
စကားလုံးတွေ အကျအပေါက်များနေရဲ့
ခံစားချက် အပျောက်အရှဆိုတာ
ငါ့အတွက်တော့ ကောင်းကင်
သူမက ဆေးဖက်မဝင်သေးဘူး။

နေ့စဉ်နဲ့အမျှ
အလကားရတဲ့ ခံစားချက်တွေ
ဖန်တီးခြင်းအစမှာပဲ ရင်ခွင်ကျိုးမတတ်ဆိုတော့
ဘာမှမဟုတ်ခြင်းထဲမှာ ငါက
သဲလွန်စ ရလိုရငြား.....။

ငါ့အတွက်ရလာဒ်ထဲမှာ
မသေချာခြင်းတွေ ကိုက်(ကိုက်)မထည့်နဲ့တော့ကွယ်
သံယောဇဉ်တွေ ရေချိန်လွန်သွားပြီ။

မင်းထားခဲ့တဲ့ ရင်ခွင်မှာ
မင်းအပြုံးတွေ နှလုံးသားတစ်လျှောက်လောင်ကျွမ်းလို့
ညဖက်တိုင်းဟာ င့ါအတွက်
ပက်ပက်စက်စက် လကွယ်ရက်ပါပဲ။

 အရက်တခွက်နဲ့ ရိုက်ခွဲပစ်ခဲ့
အလွမ်းတွေနဲ့မူးနေတော့ အရက်မမူးဘူး
ပွိူင့်ပျက်သွားတဲ့ ပွဲစားတစ်ယောက်
ပလာတာရိုက်မရတော့ အာလူးဖုတ်စားလိုက်ရသလို
တကယ်တမ်းကျ ငါ့အခန်းမှာ
ငါ့အလွမ်းကို ငါပဲအဖော်ပြု၇တယ်။

 စကားမစပ်
မင်းမမွေးမြူခဲ့တဲ့ အန္တရာယ်ကောင်လေးလေ
အခုအတော်ကြီးနေပြီပေ့ါ။