အမှောင်မကြောက်သော်လည်း သူမ,မရှိသောညများအား စိုးရွံသူပီပီတဒင်္ဂအတွင်းအလျင်အမြန် ကြီးထွားလာနိုင်သော အလွမ်းများမှလက်သပ်မွေး သံယောဇဉ်အတိုအထွာများနှင့် နှလုံးသားအား ခတ်ယူရရှိလာသော မီးပွားဖြင့် ညအားလောင်မြိုက်စေခဲ့ရသည်။
ကျွန်တော့်စိတ်က သူမဟုဆိုလျှင် "ဒိန်း"ခနဲမြန်ကြောင်း အမုန်းတရားအား လက်ယဉ်သူ၏လက်တွင်ထုတ်ပယ်ခံရခြင်းလက်မှတ်အား ကျောသပ်ရင်သပ် နှင့်ပင် မြတ်နိုးတတ်နေမိသည်။
သူမနှင့်ကျွန်တော် စကားလုံးတွေ စုန်းမြူးမြူးတုန်းက အနီးဆုံးဖြစ်သည့် အိမ်မက်များ အဝေးဆုံးဖြစ်ရန်ပင် ညဆိုသည်မှာ မည်ကာမတ္တ။
သူမအပြုံးနုနုလေးနဲ့ထိတွေ့လိုက်တိုင်း အတိတ်အနာဖေးတွေကသွေးသံတရဲရဲနှင့် ခဏလေးပဲဟု ထင်လိုက်သော်လည်း တဘဝစာပင်ကြာနိုင်သော ကိုယ့်ပေတံပင်မဖြောင့်သေးသော ကျွန်တော်က သူမပေတံအားဖြောင့်ပေးရင်း ကိုယ့်ရင်ခုန်သံအား ထီးဖြူဆောင်းပေးခဲ့ဖူးသည်။
ဘဝတွင် မေ့ပစ်ချင်သည်မှာ များလွန်းသောကြောင့် သူမ,မရှိတော့သောညအား အခါးသီးဆုံးဟု တံဆိပ်ကပ်ရင်း တစိမ့်စိမ့်စီးဝင်ခဲ့ဖူးသောအ၇ာများရင်ထဲတွင်တဝုန်းဝုန်းရိုက်ခတ်လာသော်အခါ ပင်လယ်အားကိုယ်ချင်းစာတတ်သော တံငါသည်တယောက်မှာ အချစ်ကိုပင်ချမ်းချမ်းသာသာ မသုံးစွဲခဲ့ဖူးအောင်ပင် မွဲ၏။
ဆေးဖက်ဝင်ရန် အရက်ကို ရင်ထဲပက်မသွင်းဘူးသူသည် အချစ်အား တန်ဖိုးထားတတ်ပါကြောင်း ကျော၇ရုံဟုဆိုပါလျှင်ရင်ဘတ်တခုလုံးသာလျှင် လိုချင်ပါသည်ဟု "ချစ်တယ်"ဆိုသော စကားလုံးခပ်ဖွဲဖွဲလေးကျပြရင်း ကိုယ့်ကိုကိုယ်အေးခဲပြခဲ့ပါသည်။
နွေမိုးဆောင်းသည်ရာသီဥတုဟု ဆိုပါလျှင် သူမဟုပင် အတိုကောက်မှတ်ထားရမည်ဖြစ်သော်လည်း ကိုယ့်အပြစ်ကို မီးထိုးရင်း ကိုယ်တိုင်ဆင်းစိမ်ရသည်မှာ ဆိုးဝါးလှသည်။
"သူမနှင့်မှ ဘဝကိုရေတိမ်နစ်ချင်ပါသည်" အချစ်နှင့်မွမ်းမံထားသော "ဘဝနေနည်းအနုပညာ"တွင် ယခုကျွန်တော်သည် အရိုင်းအစိုင်းတကောင်ပင်။
ကြာပြီဟု သတ်မှတ်မိတိုင်း မနေ့ကဆိုသော အတိုင်းအတာတွင် သူမအားအလျှင်အမြန်ထည့်ရန် ကျွန်တော့်သွေးက "ရဲ"သည် ကျွန်တော့်လက်က "မြဲ"သည်။
အရာအားလုံးအား နှင်းခဲအတိကဲ့သို့ပင် သဘောထားနိုင်သော်ငြား သူမရှင်သန်နေနိုင်ရင် နှလုံးသားသည် တဆတ်ဆတ်ခုန်ပေးကြောင်း သူမ၏ခပ်နွမ်းနွမ်း ပုံအဟောင်းများထဲတွင် စိတ်တခုလုံးဂျွမ်းပစ်ဝင်နေမိသည်။
(ဦးသီ)
နားရွက်ကြားက ဆေးလိပ်တလိပ်
အိပ်ကပ်ထဲက ဟတ်တစ် တချပ်
ဦးထုတ်ထဲက ခိုဖြူတစ်ကောင်
အရာအားလုံးက မှင်နဲ့မောင်းနဲ့
ကိုယ်လုံးပြည့် လိမ်လည်မှုဆေးမင်ကြောင်တွေထိုးရင်း
ငါ့လက်တွေ ဝှေ့ယမ်းနေသရွေ့
ငါ့မျက်လုံးတွေ ကစားနေရမယ်
တစ်ပွဲပြီးရင် သက်ပြင်းတခါချရ
စိတ်နှလုံးလည်း မောရလွန်းတော့
ငါ့ကိုယ်ငါ မမြင်ရတဲ့အထိ ဖျောက်ပစ်ချင်တယ်
ကိုင်းးးးးးးးးးး ပျောက်စမ်းကွာာာာာ
"ဖျောက်"!!!!!!!........................
မမြင်ရရင် ဘာမှမရှိဘူး
ရှိနေသေးရင် အရူး
Going to somewhere that's belonged to me !
